Bir qrup azərbaycanlı ədib İranda Azərbaycan dilində televiziya yaradılması üçün bir araya gəlib.
Kult.az İran mətbuatına istinadən xəbər verir ki, azərbaycanlı yazıçı Eyvaz Tahanın başçılığı ilə İranda yaşayan bir qrup azərbaycanlı milli-mədəni fəal bir araya gələrək Azərbaycan dilində internet televiziyasının yaradılması istiqamətində bir çox məsəllərin həlli problemini müzakirə ediblər.
Məlumata əsasən, yaradılacaq internet televiziyasının gündəmində əsas mövzuların Qaşqay və Azərbaycan türklərinin dili, ədəbiyyatı, tarixi və fəlsəfəsi olması planlaşdırılır. Siyasi mövzuların yer alması gözlənilməyən televiziyanın avqust ayında ilk yayımını edəcəyi və məhdud saatlarda yayımlanacağı təxmin edilir.
Qeyd edək ki, Azərbaycan dilində televiziya yaradılması İranda yaşayan azərbaycanlıların əsas tələblərindən biridir.

Xəbərdən istifadə edərkən istinad etmək vacibdir.