Xəzəryanı ölkələrin rəhbərlərinin və nümayəndə heyətlərinin iştirak edəcəyi Xəzəryanı dövlət başçılarının sammitinin Aktauda keçirilməsi planlaşdırılır.
"Report" Qazaxıstan prezidentinin mətbuat xidmətinə istinadən xəbər verir ki, bu barədə Qazaxıstan Prezidenti Nursultan Nazarbayev Mangistau vilayətinin başçısı Yeralı Tuqjanov ilə görüşündə bildirib.
"Qarşıdakı görüşün bütün təşkilati məsələlərini işləyib hazırlamaq lazımdır", - N.Nazarbayev deyib.
Xatırladaq ki, Xəzəryanı dövlət başçılarının növbəti sammitinin ilin ikinci yarısında Qazaxıstanda keçiriləcəyi gözlənilir.

Xəbərdən istifadə edərkən istinad etmək vacibdir.