Salome Zurabişvili Avroatlantlatika inteqrasiyası məsələsində Gürcüstanın ən fəal prezidenti olmaq niyyətindədir.
Xeberle.com Trend-ə istinadən xəbər verir ki, bunu yeni seçilmiş prezident "BBC"yə müsahibəsində deyib.
O bildirib ki, prezident qismində o, beynəlxalq siyasət sahəsində aktiv fəaliyyət göstərəcək:
"Növbəti 6 il Avropa, Avropa İttifaqı və NATO istiqamətində hərəkət edən Gürcüstan üçün çox vacib olacaq. Bu müddət ərzində biz bu hədəflərə mümkün qədər çox yaxınlaşmalıyıq. Mən bu məsələdə ən fəal prezident olacağam. Mənim əsas məqsədim Vayra Vike-Freyberqanın Latviya ilə etdiyi kimi, Gürcüstanı Aİ və NATO-ya aparmaqdır".
Qeyd edək ki, müstəqil namizəd Salome Zurabişvili prezident seçkilərinin ikinci turunda 59,52 faiz səs toplayaraq qalib gəlib. Yeni prezidentin andiçmə mərasimi dekabrın 16-ı baş tutacaq.
Xəbərdən istifadə edərkən istinad etmək vacibdir.
