"Bakı Rusiya silahlarının tədarükü üzrə yeni müqavilələr imzalamaqda maraqlıdır. Bununla bağlı detallar müvafiq qurumlar tərəfindən razılaşdırılacaq"
Azvision.az xəbər verir ki, bunu Azərbaycan prezidenti İlham Əliyev Davosda Ümumdünya İqtisadi Forumu çərçivəsində "RİA Novosti”yə açıqlamasında deyib.
"Hərbi texnikanın nomenklaturasına gəlincə, o, müvafiq orqanlar arasında razılaşdırılacaq. Əlbəttə ki, biz bunda (Rusiyadan silah alışında) maraqlıyıq. Rusiya müasir, etibarlı hərbi texnikanın əsas tədarükçülərindən biridir və bizim onlara tam çıxışımız var” – prezident vurğulayıb.
Xəbərdən istifadə edərkən istinad etmək vacibdir.
