Rusiyada Azərbaycanlıların Federal Milli-Mədəni Muxtariyyətinin prezidenti, Rusiya prezidenti yanında Millətlər Şurasının üzvü olmuş Söyün Sadıqov Rostov vilayətində həbs edilib.
Xeberle.com azvision.az-a istinadən xəbər verir ki, o fırıldaqçılıqda ittiham olunur. Belə ki, Söyün Sadıqov biznesmenlərin birindən bir hektar torpaq və 100 milyon rubl tələb etməkdə günahlandırılır. Sadıqova qarşı dələduzluq maddəsi ilə cinayət işi açılıb. Əgər günahı sübuta yetirilərsə o,10 ilə yaxın azadlıqdan məhrumetmə ilə cəzalandırıla bilər. 

İstintaq hesab edir ki, o, yoldaşları ilə birlikdə hədə-qorxu gələrək "Nebuq" şirkətindən pul və torpaq sahəsi tələb edib. Nəticədə şirkətin rəhbəri olan biznesmen polisə müraciət edib. Sadıqov şirkət rəhbərindən 5 milyon rubl aldıqdan sonra hüquq-mühafizə orqanlarının əməkdaşları tərəfindən saxlanılıb. Hazırda S.Sadıqov İstintaq Təcridxanasında məhkəmənin qərarını gözləyir.

Xəbərdən istifadə edərkən istinad etmək vacibdir.