Gürcüstan prezidenti Salome Zurabişvili Azərbaycanla sərhəd xəttində mübahisəli məsələnin danışıqları ətrafında ajiotaj yaradanları tənqid edib.
Xeberle.com xəbər verir ki, Zurabişvili Azərbaycanın Tiflisdəki səfirliyində 28 may Respublika gününə həsr edilmiş tədbirdə iştirak edib. Gürcü prezident deyib:
"Son günlər müəyyən məsələlər ətrafında ajiotaj yaranıb. Bizi başqa yola sürükləyənlər, bu keçmişdə qalıb. Biz bu keçmişə qayıtmayacağıq. Bu siyasi manipulyasiya hər iki ölkəyə, sülhə, Qafqazdakı stabilliyə və inkişafa ziyan vuracaq. Bu heç kəsə lazım deyil. Biz bunu gözəl anlayırıq və bu səbəbdən əsas hədəfə çatmaq üçün birlikdə mübarizəyə başlamışıq”.
Zurabişvili bildirib ki, tərəflərin həm Gürcüstan, həm də Azərbaycanın xeyrinə olan qərar qəbul edəcəyinə əmindir.
Gürcü prezident bir daha vurğulayıb ki, Azərbaycan və Gürcüstan arasında münasibətlər dostluq və ümumi maraqlar üzərində qurulub.
Xəbərdən istifadə edərkən istinad etmək vacibdir.
