Yeni Azərbaycan Partiyasının (YAP) 44 saylı Sumqayıt-Xızı seçki dairəsindən
deputatlığa namizədi Müşfiq Məmmədlinin Sumqayıtda seçicilərlə görüşləri davam
edir.
Xeberle.com xəbər verir ki, növbəti belə görüş Sumqayıt şəhər 1 saylı İnternat tipli Gimnaziyanın iclas
zalında baş tutub.
Görüşdə çıxış edən namizədin vəkilləri M. Məmmədlinin fəaliyyətindən geniş söz
açıblar.
Deputatlığa namizəd M. Məmmədli isə çıxışında Azərbaycan Respublikasının
Prezidenti İlham Əliyevin ölkədə bütün sahələrdə apardığı köklü islahatlar və görülmüş işlərin əhəmiyyəti haqqında
seçicilərə məlumat verib.
O, seçicilərin fevralın 9-da keçiriləcək parlament
seçkilərində fəallıq göstərəcəyinə əminliyini diqqətə çatdırıb.
YAP-ın deputatlığa namizədi Müşfiq Məmmədli
seçkilərdə qalib gələcəyi təqdirdə bütün seçicilərin etimadını doğruldacağına
söz verib və görüşə gələn hər bir seçiciyə minnətdarlığını bildirib.
Sonda vətəndaşlar tərəfindən təklif və müraciətlər
dinlənilib, müvafiq tədbirlərin görülməsi məqsədilə qeydiyyata alınıb.
Qeyd edək ki, Müşfiq Məmmədli 1972-ci il avqustun
1-də Sumqayıtda anadan olub. 1989-cu ildə Sumqayıt şəhər 25 saylı tam orta
məktəbi bitirib. 1989-cu ildən 1990-cı ilə qədər 1 saylı Kliniki Tibbi Mərkəzdə
(Semaşko) sanitar işləyib. 1990-1996-cı illər ərzində Azərbaycan Tibb Universitetinin
Pediatriya fakültəsində təhsil alıb. 1996-1997-ci illərdə Sumqayıt şəhər Uşaq
Xəstəxanasında internatura keçib, 1997-1999-cu illərdə isə qəbul şöbəsinin
həkimi vəzifəsində çalışıb. 2000-ci ildə 3 il müddətində Türkiyənin İstanbul
şəhərində təhsil alıb. 2004-2006-cı illər ərzində Tərtər bölgəsində N saylı
hərbi hissənin tibb məntəqəsinin həkimi, sonra isə rəisi olub. 2006-cı ildən
2014-cü ilə qədər Təcili Tibbi yardım stansiyasının, daha sonra isə Sumqayıt
Uşaq xəstəxanasının həkimi işləyib. 2015-2016-cı illərdə Uşaq xəstəxanasının pediatriya
şöbəsinin müdiri, 2016-cı ildən isə xəstəxananın baş həkimidir.
Qeyd edək ki, M.Məmmədli 2013-2015-ci illər ərzində
Rusiyanın Sankt-Peterburq İqtisad Universitetinin Ali İqtisad Məktəbində MBA
proqramı çərçivəsində "Səhiyyə təşkilatlarının menecmenti" ixtisasına
da yiyələnib. 2016-cı ildən isə Rusiya Pediatrlar İttifaqının üzvüdür.
Ailəlidir 3 övladı var.
2006-cı ildən Yeni Azərbaycan Partiyasının üzvüdür.
Yeni Azərbaycan Partiyasının (YAP) 44 saylı
Sumqayıt – Xızı seçki dairəsindən deputatlığa namizədidir.
Xəbərdən istifadə edərkən istinad etmək vacibdir.
