İyul ayında baş vermiş sərhəd münaqişəsindən sonra Azərbaycan və Ermənistan sərhədində vəziyyət qeyri-sabit olaraq qalır.
Xeberle.com xəbər verir ki, bunu TASS-a müsahibəsində Azərbaycanın Xarici İşlər naziri Ceyhun Bayramov deyib.
Nazir bildirib ki, hərbi baxımdan vəziyyət qeyri-sabit olaraq qalır. Ermənistan Azərbaycanın mövqelərini atəşə tutmağa davam edir.
C.Bayramov regionda təhlükəsizliyin təmin olunması və təxribatların qarşısının alınması üçün işğalçı qoşunların Azərbaycanın bütün işğal olunmuş ərazilərindən dərhal, qeyd-şərtsiz və tamamilə çıxarılmasının zəruriliyini vurğulayıb.
"Bununla əlaqədar olaraq ümid edirik ki, beynəlxalq ictimaiyyət, ilk növbədə, ATƏT-in Minsk Qrupunun həmsədr ölkələri Ermənistanı status-kvonun saxlanması siyasətindən imtina etməyə və əsaslı danışıqlara başlamağa məcbur edəcək".
Xəbərdən istifadə edərkən istinad etmək vacibdir.
