"Bu qanunla Orta Şərqdəki terrorçu qrupların nümayəndələrini Ermənistan ordusuna daxil etmək istəyirlər”.
Bunu Xeberle.com-a açıqlamasında Milli Məclisin deputatı Asim Mollazadə deyib.
O bildirib ki, Ermənistanda "Müdafiə haqqında” qanuna müvafiq düzəlişlər edilərək ordu sıralarına mülkilərin də cəlb olunması terrorçuluğu rəsmi qaydada qəbul etməkdir:
"Bu, terrorçulara müttəfiq olan ölkənin döyüşçülərini rəsmən Ermənistan silahlı qüvvələrinin tərkibinə daxil etmək məqsədi daşıyır. Bir sözlə, bu qanun layihəsi terrorçuluğu rəsmiləşdirməkdir. Ermənistan ordusu həmişə zəif olub. Ümumiyyətlə, Ermənistan güclü ordusu olmadığına görə, heç vaxt döyüşlər aparmayıb. Orduda həmişə Ermənistanın sahibləri və xaricdəki terrorçu qruplar iştirak edib. Ona görə də indiyə kimi olan təcrübə artıq rəsmiləşdirilir”.
Qeyd edək ki, Ermənistanda "Müdafiə haqqında” qanuna müvafiq düzəlişlər ediləcəyi barədə Ermənistan Müdafiə nazirinin sözçüsü Şuşan Stepanyan deyib.
Təşkil edilmiş yığma qoşun dəstələri sistemi Ermənistana silahlı hücum zamanı müdafiədə vətəndaşların könüllü iştirakı sistemidir.
Xəbərdən istifadə edərkən istinad etmək vacibdir.
