Rusiya Xarici Kəşfiyyat Xidmətinin direktoru Sergey Narışkin Dağlıq Qarabağdakı vəziyyətə münasibət bildirib.
Xeberle.com xəbər verir ki, Azərbaycan-Ermənistan münaqişəsinin gərginləşməsindən danışan Narışkin jurnalistlərə verdiyi açıqlamasında tərəflər arasında gərginliyin artmasının təəssüf doğurduğunu bildirib.
O, problemin yalnız siyasi və diplomatik yolla həll oluna biləcəyini söyləyib: "Əlbəttə ki, Azərbaycanla Ermənistan arasındakı münaqişənin böyüməsi təəssüf doğurur. Təəssüf ki, itkilər var, tərəflər də ağır silahlardan istifadə edirlər. Görürük ki, bu məsələ yalnız siyasi və diplomatik metodlardan istifadə etməklə həll edilə bilər və Rusiya hər zaman hər yolla sülhə can atacaq".
Xəbərdən istifadə edərkən istinad etmək vacibdir.
