Bir neçə gün öncə Fransada baş vermiş məlum hadisədən sonra bu ölkədə bir çox dövlətlərin rəhbərləri məsum dona girərək, Parisdə "terrorra yox" adı altında yürüş keçirdilər. Maraqlıdır ki, "terrora yox" deyən Fransa tagrixən müstəmləkəçi dövlət kimi tanınmaqla yanaşı, müxtəlif vaxtlarda terrorçuları dəstəkləyən ölkələr sırasında olub. Hətta ermənilərin törətdiyi terrorları təşkil edən şəxsləri də sərbəst buraxıblar. Araşdırmaçı Aygün Həsənoğlunun "Erməni sindromu" kitabında bu barədə məlumatlar yer alıb. Beləliklə, Fransanın azad etdiyi terrorçuların siyahısını təqdim edirik:
981-ci ildə Parisdə Türkiyə səfirliyinə basqının təşkilatçısıVazgen Sislyan 1992-ci ildə Yerevandan Xankəndinə göndərilmişdir. Vazgen Sislyan azərbaycanlılara qarşı terror aktlarının keçirilməsində fəal iştirakına görə prezident Robert Koçaryan tərəfindən "Qarabağ müharibəsinin qəhrəmanı” adına layiq görülmüşdür.
1983-cü ilin iyul ayında Parisdə "Orli” aeroportunda 8 nəfərin ölümü və 60 nəfərin yaralanması ilə nəticələnmiş terror aktına görə ömürlük həbs cəzasına məhkum edilmiş terrorçu Varocyan Karapetyanın azad olunması üçün Ermənistanda dövlət səviyyəsində imzatoplama kampaniyası keçirilmişdir. 2001-ci ilin aprelində Fransa məhkəməsi tərəfindən azad olu-nan terrorçu Ermənistanda rəsmi sığınacaq tapmışdır.
Məşhur terrorçu, Qərbi Avropada "ASALA-nın inqilabi hərəkatı” adlı qruplaşmasının rəhbəri, 28 noyabr 1985-ci ildə 6 il müddətinə həbs olunmuş
Monte Melkonyan 1990-cı ildə Fransa həbsxanasından buraxılaraq Ermənistana gəlmiş və terror fəaliyyətini davam etdirmək üçün buradan Dağlıq Qarabağa göndərilmişdir. Dağlıq Qarabağda dinc azərbaycanlılara qarşı həyata keçirilən terror əməliyyatlarının iştirakçısı olmuş M. Melkonyan Xocavənd rayonunun işğalı zamanı erməni terror dəstəsinin komandanı olmuşdur.
Xəbərdən istifadə edərkən istinad etmək vacibdir.
