"İyunun 15-də Şuşa şəhərində imzalanan birgə Müttəfiqlik Bəyannaməsi Qars Müqaviləsindən sonra iki ölkə arasında münasibətlərin yeni mərhələdə inkişafını əks etdirən ən böyük tarixi razılaşmadır. Bəyannamə ölkələrimiz arasında münasibətlərin gələcəyini müəyyən edib, əlaqələrin ən yüksək səviyyəyə qaldırmaqla keyfiyyətcə yeni bir mərhələyə qədəm qoymasına xidmət edəcək. Vurğulamaq lazımdır ki, bu Bəyannamə regionun gələcək inkişafında da mühüm amil kimi çıxış edəcək".Bu fikirləri açıqlamasında Milli Məclisinı deputatı Müşfiq Məmmədli deyib.
Millət vəkilinin fikrincə, Şuşa Bəyannaməsi iki qardaş ölkənin və xalqın sarsılmaz münasibətinin əyani nümunəsidir: "Şuşa Bəyannaməsi, sözün hər mənasında, yeni bir mərhələnin başlanğıcıdır. Bəyannamədə siyasi, iqtisadi-ticari, təhsil, diaspor, media sahəsində əməkdaşlıqla yanaşı, hərbi, milli təhlükəsizlik sferasında birgə əməkdaşlıq, o cümlədən bütün müstəvilərdə inkişaf edən qardaşlıq əlaqələri öz əksini tapıb. İşğaldan azad olunmuş ərazilərin bərpası prosesində Azərbaycan ilə Türkiyə sıx əməkdaşlıq edir. Bütün bu uğurlar cənab Prezidentimizin apardığı qətiyyətli və milli maraqlara söykənən siyasətin nəticəsidir".
Xəbərdən istifadə edərkən istinad etmək vacibdir.
