Yeni Azərbaycan Partiyası (YAP) Sumqayıt şəhər təşkilatında "Azərbaycan son 18 ildə” mövzusunda elmi-praktik konfrans keçirilib.
Xeberle.com-a verilən məlumata görə, konfransı giriş nitqi ilə açan YAP İdarə Heyətinin üzvü, YAP Sumqayıt şəhər təşkilatının sədri vəzifəsini icra edən Ramiz Hüseynov Ümummilli Lider Heydər Əliyev siyasi məktəbinin layiqli davamçısı Azərbaycan Respublikasının Prezidenti İlham Əliyevin dövlət başçısı kimi 18 illik fəaliyyətinin Azərbaycanın tarixinə qızıl hərflərlə yazılmış uğurlarından danışıb.Müasir Azərbaycan dövlətçiliyinin bünövrəsinin Ulu öndər Heydər Əliyev tərəfindən qoyulduğunu diqqətə çatdıran R.Hüseynov Prezident İlham Əliyevin bu şərəfli missiyanı uğurla davam və inkişaf etdirdiyini bildirib. Vurğulanıb ki, Prezident, Ali Baş Komandanİlham Əliyevin rəhbərliyi altında Qarabağımızdüşməndən azad edildi. 30 ildən sonra müstəqil Azərbaycan dövlətinin ərazi bütövlüyü təmin olundu: "Azərbaycana rəhbərlik etdiyi dövrdə dövlətimizin ən yeni tarixini yazan Prezident İlham Əliyev məqsədyönlü daxili və xarici siyasəti ilə ölkəmizin beynəlxalq aləmdəki nüfuzunu daha da möhkəmləndirib. Xalqın dərin etimadını qazanan möhtərəm Prezidentimiz Azərbaycanda siyasi və milli həmrəyliyin daha da güclənməsini təmin edib. Məhz bu inam və etimad Qarabağ Zəfərində əhəmiyyətli rol oynadı”.
"Son 18 ildə sosial dövlət modeli” adlı məruzə ilə çıxış edən Milli Məclisinin deputatı Müşfiq Məmmədliölkəmizdə sosial dövlət modeli qurulması üçün elmi əsasların, normativ-hüquqi aktların qəbul edildiyini diqqətə çatdırıb. Prezident İlham Əliyevin qazilərə, şəhid ailələrinə göstərdiyi diqqət, qayğı, həmçinin sosial müavinətlərin verilməsi sahəsində həyata keçirilən islahatlar, vətəndaşların rifanın yüksəldilməsi yönündə görülən tədbirlər bir daha dövlət siyasətimizin mərkəzində Azərbaycan vətəndaşınln maraqlarının dayandığını təsdiqləyir. Millət vəkili bildirib ki, Azərbaycan dövləti Prezident İlham Əliyevin apardığı uğurlu siyasət nəticəsində dünyada qalib ölkə kimi tanındı.
Daha sonra Sumqayıt Dövlət UniversitetininDünya İqtisadiyyatı və marketinq kafedrasının professoru Şəfa Əliyev "Böyük Qarabağ Zəfərindən əvvəl və sonrakı dövrdə İlham Əliyevin iqtisadi siyasətinin aspektləri”, Sumqayıt Şəhər İcra Hakimiyyəti başçısının birinci müavini Teymur Səmədov "Son 18 ildə Sumqayıtın inkişafı”, Sumqayıt Tibb Mərkəzi, Perinatal Mərkəzin baş həkimi Təranə Rəcəbli "Prezidentin Səhiyyə sahəsinə göstərdiyi diqqət və qayğı”, Sumqayıt şəhər Gənclər və İdman Baş İdarəsinin rəisi Elgün Hümbətov "Uğurlu idman siyasəti”, Abşeron-Xızı Regional Təhsil İdarəsinin Sumqayıt şəhər Təhsil şöbəsinin müdir müavini Ramin Abasov ”Təhsildə inkişaf və innovasiyalar”, Sumqayıt şəhər Mədəniyyət idarəsi, Poeziya evinin əməkdaşı, prezident təqaüdçüsü Elvin Əlizadə "Ölkənin mənəvi,mədəni həyatında tərəqqi”, Qarabağ müharibəsi iştirakçısı, "Azərbaycan Bayrağı” ordenli Zahir Həsənov "Ordu quruculuğu və müsir hərb tariximiz”mövzusunda məruzlərlə çıxış ediblər. Natiqlər ölkəmizdə həyata keçirilən dövlət siyasətinin uğurlarından bəhs açlblar.
Tədbirin yekununda Ramiz Hüseynov Yeni Azərbaycan Partiyasının Sədri, Prezident İlham Əliyevi 60 illik yubileyi münasibətilə YAP Sumqayıt şəhər təşkilatının çoxminli üzvləri adından təbrik edib.
Xəbərdən istifadə edərkən istinad etmək vacibdir.
