Avropa Liqasının qrup mərhələsinin V turu çərçivəsində baş tutacaq "Qarabağ” (Azərbaycan) - "Tottenham” (İngiltərə) qarşılaşmasının biletləri satışa çıxıb.

"Qafqazinfo" xəbər verir ki, noyabrın 26-sı saat 22:00-da Tofiq Bəhramov adına Respublika stadionunda start götürəcək qarşılaşmanın biletlərinin adı çəkilən arenanın kassalarından əldə edə bilərsiz.

Biletlərin qiymətləri nömrəli sektorlar üzrə 1,2,5,10 AZN üzrə dəyişir. VİP sektor 50 AZN-dir.

"Qarabağ” Futbol Klubu azarkeşlərdən xahiş edir ki, biletləri sadəcə kassalardan məhz göstərilmiş qiymətlərlə alasınız. Biletlər məhz kassalarda qeyd olunmuş qiymətlərlə satılır.

Qeyd edək ki, "Qarabağ” Bakı Metropoliten İdarəsinə adıçəkilən qurumun oyun günü gec bağlanması üçün müraciət edib. Belə də oyun başa çatdıqdan sonra azarkeşlərin metro nəqliyyatından yararlanması mümkün olacaq.