Ermənistan baş nazirinin müavini Mqer Qriqoryan bazar ertəsi Avropa İttifaqının Cənubi Qafqaz və Gürcüstandakı böhran üzrə xüsusi nümayəndəsi Toivo Klaar ilə görüşündə regionda kommunikasiyaların açılması məsələsini müzakirə edib.
 
Xeberle.com-un Ermənistan KİV-nə istinadən xəbər verir ki, həmsöhbətlər regional proseslər, xüsusən də kommunikasiyaların açılmasına yönəlmiş işlər barədə fikir mübadiləsi aparıblar. Bu kontekstdə Qriqoryan erməni tərəfinin mövqeyini, eləcə də mümkün blokadanın açılması prinsiplərini təqdim edib.
 
Tərəflər qarşılıqlı maraq doğuran bir sıra digər məsələləri də müzakirə ediblər.
 
Xatırladaq ki, fevralın əvvəlində Qriqoryan rusiyalı həmkarı Aleksey Overçuk və Rusiya Dəmir Yollarının rəhbəri Oleq Belozerov ilə regionda dəmir yolu əlaqəsinin bərpası məsələlərini müzakirə edib.

Xəbərdən istifadə edərkən istinad etmək vacibdir.