"Bildiyiniz kimi, fevralın 22-də Kremldə Azərbaycan Prezidenti İlham Əliyev və Rusiya Prezidenti Vladimir Putin arasında qarşılıqlı müttəfiqlik fəaliyyəti haqqında Bəyannamə imzalanıb. İki ölkə arasında imzalanan bu mühüm sənəd Şuşa bəyənnaməsindən sonra beynəlxalq aləmdə Azərbaycan diplomatiyasının böyük uğuru kimi qiymətləndirilməlidir".
Bu sözləri Xeberle.com-a açıqlamasında Milli Məclisin deputatı Müşfiq Məmmədli deyib. M. Məmmədli qeyd edib ki, bu bir daha sübut edir ki, cənab prezident İlham Əliyev regionda balanslaşdırılmış siyasət aparır və Azərbaycan ən etibarlı tərəfdaşdır: "Sənəddə dövlət suverenliyi, ərazi bütövlüyü, dövlət sərhədlərinin toxunulmazlığı, daxili işlərə qarışmamaq kimi bəndlərin yer alması şimal qonşumuzun Azərbaycanın ərazi bütövlüyünü tanıdığını, daxili işlərə qarışmamaq kimi öhdəlik götürdüyünü, daxili işləri öz maraqlarını təmin etmək üçün addımlara getməyəcəyini açıq şəkildə bildirir. Bu da öz növbəsində iki ölkə arasında qarşılıqlı inamın tərənnümü kimi qiymətləndirilməlidir".
Xəbərdən istifadə edərkən istinad etmək vacibdir.
