Rusiya prezidenti Vladimir Putin aprelin 12-də Uzaq Şərqdəki "Vostoçnıy” kosmodromunda belaruslu həmkarı Aleksandr Lukaşenko ilə görüşəcək.
Xeberle.com xəbər verir ki, bu barədə "Rossiya-1” telekanalı məlumat yayıb.
Bildirilib ki, liderlər həmin tarixdə Kosmonavtika gününün qeyd olunması münasibətilə Uzaq Şərqə səfər edəcəklər. Onlar kosmodromun tikintisinin gedişi ilə tanış olacaq, işçilərlə ünsiyyətdə olacaqlar.
Daha sonra prezidentlər birgə mətbuat konfransı keçirəcəklər. Danışıqlar zamanı Ukraynadakı vəziyyətin müzakirə ediləcəyi güman edilir. Bundan əvvəl Belarus Ukraynanın təhlükəsizliyinin təminatçısı kimi çıxış etmək istəyini ifadə edib, Rusiya tərəfi bu ideyanı dəstəkləyib.
Xəbərdən istifadə edərkən istinad etmək vacibdir.
