Ermənistanın baş naziri Nikol Paşinyanın Moskvaya səfəri zamanı bütöv sənədlər paketi imzalanacaq.
Xeberle.com RİA "Novosti"yə istinadən xəbər verir ki, bunu jurnalistlərə Rusiya prezidentinin mətbuat katibi Dmitri Peskov deyib.
"Bu gün prezident üçün günün əsas hadisəsi Ermənistanın baş naziri Paşinyanın rəsmi səfəridir", - Peskov bildirib.
O əlavə edib ki, Paşinyanln Rusiya hökuməti səviyyəsində çox intensiv təmasları planlaşdırılır.
"Orada bütöv sənədlər paketi də imzalanacaq", - Kreml sözçüsü bildirib.
Qeyd edək ki, Ermənistan nümayəndə heyətinə baş nazirin müavini Mher Qriqoryan, xarici işlər naziri Ararat Mirzoyan, təhsil, elm, mədəniyyət və idman naziri Vahram Dumanyan da daxil olmaqla bir neçə rəsmi şəxs daxildir.
İş gündəliyinə Rusiya prezidenti Vladimir Putin, baş nazir Mixail Mişustin, Dövlət Dumasının sədri Vyaçeslav Volodin və Federasiya Şurasının sədri Valentina Matviyenko ilə görüşlər daxildir.
Paşinyan Rusiyaya iki günlük səfərə gəlib.
Bundan əvvəl xəbər verilmişdi ki, Paşinyan Putinlə Dağlıq Qarabağla bağlı üçtərəfli bəyanatların (2020-ci ilin noyabrı və 2021-ci ilin yanvarı) icrasını müzakirə edəcək.
Xəbərdən istifadə edərkən istinad etmək vacibdir.
