"Azərbaycan sərhədlərin delimitasiyası ilə əlaqədar komissiyanın tərkibi barədə Ermənistana təkliflər verib”.
Xeberle.com xəbər verir ki, bunu jurnalistlərə açıqlamasında Azərbaycanın xarici işlər naziri Ceyhun Bayramov bildirib.
C.Bayramovun sözlərinə görə, sərhədlərin delimitasiyasının həyata keçirilməsi ilə bağlı komissiya yaradılacaq:
"Aprelin 6-da Brüsseldə Azərbaycan Prezidenti, Ermənistanın Baş naziri və Avropa İttifaqı Şurası Prezidentinin iştirakı ilə keçirilən görüşdən sonra əldə olunan razılıqlardan biri ondan ibarət idi ki, sərhədlərin delimitasiyasının həyata keçirilməsi ilə bağlı komissiya yaradılsın. Komissiyanın aprel ayının sonuna qədər ilk iclasının keçirilməsi planlaşdırılırdı. Hələ görüş keçirilməmişdən öncə mənim Ermənistanın xarici işlər naziri ilə iki dəfə telefon danışığım olub. Telefon danışıqları zamanı biz komissiyanın tərkibi ilə bağlı təkliflərimizi vermişik".
Xəbərdən istifadə edərkən istinad etmək vacibdir.
