İzmirdə Alpaqut Otağı, İzmirli Türkçülər və Turançı Hərəkat Platforması, Hepar, Qaraqalpaqlılar, İzmir Türkçü Dirəniş Ocaqları birlikdə "Hər birimiz Xocalılıyıq" adlı yürüş mitinqi keçirib. İzmir Alsancakdan başlayan yürüş Gündoğdu meydanındakı mitinqlə başa catıb. 1992-ci il fevralın 25-dən 26-na keçən gecə Ermənilərin Xocalıda törətdiyi vəhşəti anladan bəyanat oxunarkən meydanda olan minlərlə gənc zaman zaman "Hər birimiz Xocalılıyıq", ""Hər birimiz Qarabağlıyıq", "Hər birimiz Azərbaycanlıyıq" deyərək şüarlar səsləndiriblər. Yürüşdə diqqəti çəkən məqamlardan biri də Azərbaycanın milli qəhrəmanı Mübariz İbrahimov və Ramil Səfərovun şəkillərini özündə əks etdirən plakatlar olub. Bundan başqa daha bir diqqətçəkən olay isə, eyvanlardan sadə izmirlilərin alqışlarla gənclərə dəstək verərək "Türk gəncləri, sizinlə qürur duyuruq, hər birimiz Xocalılıyıqz" demələridir. Türk gənclərinin yürüşünə Azərbaycan təşkilatları da qatılaraq dəstək veriblər. Azərbaycan İşbirliyi və Kardeşlik Dərnəyi başkan yardımcısı Cavid Əliyevdən aldığımız məlumata görə, dərnək olaraq sona qədər gənclərin yanında olublar və İzmirdə təhsil alan azərbaycanlı gənclər də bu yürüüşdə aktiv iştirak ediblər. C.Əliyev həmçinin bildirib ki, mitinqə hazırlıq dönəmində gənclərə dərnəklərinin qapısını açaraq istədikləri zaman toplanıb müzakirə apara biləcəklərini, o cümlədən bundan sonra da Azərbaycan həqiqətlərini dünyaya çatdırmaq üçün onlarla bərabər getməyə hazır olduqlarını vəd ediblər. Mitinqdə Xocalı soyqırımıyla yanaşı, PKK tərafdarları tərəfindən İzmirdə EGE unverstetində öldürülən şəhid Frat Yılmaz Cakıroğlu da anılıb.

Xeberle.com