Noyabrın-29 da Yeni Azərbaycan Partiyası (YAP) Sumqayıt şəhər təşkilatında bir qrup fəal üzvlərlə görüş keçirilib.
Xeberle.com xəbər verir ki, YAP İdarə Heyyətinin üzvü, Sumqayıt şəhər təşkilatının sədri Ramiz Hüseynov çıxış edərək, bu gün dinamik inkişaf yolunda inamla addımlayan Azərbaycanın uğurlarından, ölkəmizin ictimai-siyasi həyatında aparıcı rol oynayan, cəmiyyətdə böyük nüfuz qazanan Yeni Azərbaycan Partiyasının uğurlarımızda rolundan geniş bəhs edib. Ölkəmizin qazandığı nailiyyətlərdə Yeni Azərbaycan Partiyasının və hər bir üzvünün özünəməxsus rolundan danışan Ramiz Hüseynov qeyd edib ki, dünənin, bu günün və gələcəyin partiyası sıralarında 800 minə yaxın üzvü birləşdirərək ölkəmizin inkişafı, Azərbaycanın dünya birliyində yeri və rolunun daha da artırılması istiqamətində Prezident cənab İlham Əliyevin rəhbərliyi ilə inamla irəliləyir. Ölkəmizin hər bir uğurunda Yeni Azərbaycan Partiyasının danılmaz payı var.
Bu il Yeni Azərbaycan Partiyasının yaradılmasının 30 ili tamam olduğunu vurğulayan R.Hüseynov bildirib ki, zəngin ənənələrə malik olan Yeni Azərbaycan Partiyası bundan sonra da irəli sürdüyü təşəbbüslər, qəbul etdiyi qərarlarla Azərbaycan dövlətinin daha da güclənməsinə, xalqın rifahının yüksəlməsinə töhfələr verəcək. Yeni Azərbaycan Partiyası dünənin, bu günün və gələcəyin partiyası olduğunu bütün dövrlərdə təsdiqləyir və yeni hədəflərə doğru inamla irəliləyir.
Sonda bir qrup partiya fəalı isə YAP Sumqayıt şəhər təşkilatının ictimai-siyasi həyatında fəal iştirakına görə və YAP-ın 30-cu ildönümü münasibətilə fəxri fərmanla təltif edildi.
Görüşdə iştirak edən fəallar belə bir formatda görüşün təşkilinə görə minnətdarlıq bildiriblər.
Xəbərdən istifadə edərkən istinad etmək vacibdir.
