Bu gün Laçın rayonunun erməni işğalından azad edilməsindən iki il keçir. 44 günlük şanlı Vətən müharibəsində Ali Baş Komandan cənab İlham Əliyevin rəhbərliyi ilə ordumuz mənfur düşmən üzərində möhtəşəm qələbə qazanaraq işğala son qoydu. Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyanın imzaladığı 10 noyabr tarixli bəyanata əsasən, Laçın rayonu dekabrın 1-də Azərbaycana təhvil verildi.
Ölkə rəhbərinin 2020-ci il fevralın 14-də Laçın rayonuna səfəri zamanı Güləbird kəndində Azərbaycan bayrağı əbədi olaraq qaldırıldı. Bu il avqustun 26-da isə Azərbaycan Ordusu Laçın şəhərinə daxil oldu. Həmin tarixdə Laçın şəhəri ilə birlikdə Zabux və Sus kəndləri də Azərbaycanın nəzarətinə keçdi. Və bununla da bizim öz dədə-baba torpaqlarımıza tam yiyələnməyimiz reallığa çevrildi. Bu illər ərzində millət olaraq, dövlət olaraq səbr göstərdik, amma erməni tərəfi sülh danışıqlarını pozdu, sülh yolu ilə Azərbaycan torpaqlarından çıxmaq istəmədi. Səbr kasamız daşması ilə qarş tərəf Azərbaycanın gücünü gördü. Artıq Azərbaycanın qarşısında bir məqsəd var. Azad olunmuş torpaqlarımızın abad olunması, vətəndaşlarımızın öz yurdlarına dönməsi üçün bütün şəraitin yaradılması. Bu yöndə cənab prezidentimizin atdığı addımlar bunu deməyə əsas verir ki, yaxın müddətdə qarşıya qoyulan məqsədlər reallaşacaq. Azərbaycan sülhsevər, daim mehriban şəraitdə yaşamağı üstün tutan, özündə bir çox mədəniyyətləri birləşdirən köklü dövlətdir. Və biz bölgədə aranı qatmaq istəyən istənilən qüvvəyə layiqli cavab vermək gücündəyik.
Müşfiq Məmmədli
Milli Məclisin deputatı
Xəbərdən istifadə edərkən istinad etmək vacibdir.
