Bu gün axşam saatlarında Sumqayıt şəhərində yanğın hadisəsi baş verib. Şəhər sakinlərindən birinin Xeberle.com-a verdiyi məlumata görə şəhərin 29-cü məhəlləsinddə yerləşən yataqxananın birinci mərtəbəsində yerləşən mənzillərin birində elektrik xətlərində yaranan nasazlıq yanğınla nəticələnib. Yataqxananın ilk mərtəbəsində yaşayanlar Fövqəladə Hallar Nazirliyinin əməkdaşları tərəfindən təxliyyə edilib. Yanğın baş verən  mənzilə ciddi ziyan dəyib. Yanğınsöndürənlərin vaxtında müdaxiləsi nəticəsində yanğın söndürülüb və digər ərazilərə keçməsinin qarşısı alınıb.  Yanğın söndürüldükdən sonra təxliyyə edilmiş sakinlər mənzillərinə qayıdıblar. Xoşbəxtlikdən xəsarət alan olmayıb.
Hadisənin dəqiq baş vermə səbəbləri araşdırılır. 
Xeberle.com