"Sumqayıt Elektrik Stansiyası” MMC-də  "Fövqəladə hadisələrin nəticələrinin aradan qaldırılması zamanı mülkü müdafiə orqan və qüvvələrinin idarə olunmasının təşkili” mövzusunda obyekt mülkü müdafiə məşqi keçirilib.
Xeberle.com-un məlumatına görə, təlimdə Sumqayıt Regional Fövqəladə Hallar Mülkü Müdafiə şöbəsinin şəxsi heyyəti, AzQAC Sumqayıt şəhər bölməsinin "Mobil dəstə” üzvləri, Dövlət Yanğın təhlükəsizlik xidmətinin şəxsi heyyəti, Təcili Tibbi Yardım stansiyasının həkim briqadası, "Sumqayıt Elektrik stansiyası” MMC-nin rəhbərliyi, Fövqaladə Hallar komissiyası Mülkü müdafiə qərargahı, Mülkü müdafiə dəstələri və dəstələrə cəlb olunmayan işçiləri iştirak ediblər."Sumqayıt Elektrik Stansiyası” MMC-nin ərazisində şərti partlayışların törənməsindən dərhal sonra qaldırılmış "həyəcan” siqnalı üzrə başlanan təlim zamanı Sumqayıt şəhər mülki müdafiə qüvvələri ilə eyni vaxtda fövqəladə hadisə yerinə ilk növbədə yanğınsöndürən və təcili yardım maşınları, qazdan xilasetmə dəstələri daxil olublar. Şərti partlayışın baş verdiyi ərazidə yanğınların söndürülməsi ilə yanaşı kimyəvi kəşfiyyatın təşkili, ərazinin mühafizəsi, axtarış-xilasetmə, kimyəvi zəhərlənmə zonasının lokallaşdırılması işləri operativ şəkildə yerinə yetirilib. Şəhərin "Qızıl Aypara” cəmiyyətinin xüsusi geyim və ləvazimatla təchiz olunmuş "Mobil dəstə” üzvləri "zərər çəkənləri”, "yaralıları” qəza ərazisindən çıxararaq və ilkin yardım göstərərək, onları Təcili tibbi yardım stansiyasının maşınlarına yerləşdirib və həkim briqadalarına təhvil verib.
Xeberle.com