Sumqayıtda açıq qalan elektrik xətləri təhlükə saçır. Söhbət şəhər ərazisində yerləşən Bələdiyyə parkından gedir. Redaksiyamıza müraciət edən şəhər sakinlərinin sözlərinə görə, parkın ərazisində torpaq üstündə eletrik xətləri günlərdir ki açıq qalıb. Bununla bağlı qabaqlayıcı tədbirlərin görülməməsi isə sakinlərin haqlı narazılıqlarına səbəb olur.
Xeberle.com əməkdaşı olaraq, sakinləri narahat edən bu problemlə bağlı həmin ərazidə olduq. Sakinlərin sözlərinə görə, kabellərin bu cür üstü açıq vəziyyətdə qalması insan həyatı üçün təhlükəlidir. Park ərazisinə azyaşlıların da tez-tez gəldiyini nəzərə alsaq, xoşagəlməz hadisə hər an qaçılmazdır. Buna görə də, aidiyyəti orqanlar mövcud problemi tezliklə aradan qaldırmalıdır.
Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
