Artıq neçə müddətdir ki, redaksiyamıza daxil olan şikayət məktublarında Sumqayıt Sukanal İdarəsinin yarıtmaz fəaliyyəti nəticəsində problemlərin yarandığı bildirilir.

Bu dəfə redaksiyamıza Sumqayıt şəhər 21-ci məhəllə sakini Təhminə Nahid tərəfindən şikayət məktubu daxil olub. Şikayətçi bildirir ki, 21-ci məhəllədə müntəzəm olaraq kanalizasiya suları daşaraq ətrafı basır: "Bu hallar tez-tez baş verir. Kanalizasiya sistemi bərbad gündədir. Daşaraq küçəni yararsız vəziyyət salır. Dəfələrlə Sumqayıt Sukanal İdarəsinə müraciət etməyimizə baxmayaraq buna əncam cəkən yoxdur. Sakinlər bir necə dəfə idarəyə Əliyar müəllimə yazılı müraciət ediblər. Amma müraciətimizə baxan yoxdur.”

Bununla yanaşı, Sukanal idarəsinin fəaliyyətində başqa mənfi hallara da rast gəlinir ki, bu da çox insanlara tanış olan problemdir. Elə saytımıza daxil olan digər şikayət məktubunda qeyd olunduğu kimi…

47-ci məhəllə, ev 2-nin sakinləri tərəfindən saytımıza göndərilən məktubda bildirilir ki, demək olar ki, hər gün həyətlərində qazıntı işləri aparılır: "Ötən gündə binanın qarşısında avtomobil yolunu qazdılar. Su borusunda problem var idi, dəyişib getdilər. Amma bu gün yenidən həyəti su basıb. Yarıtmaz və keyfiyyətsiz iş görürlər. Qazırlar yolu düzəltmirlər çıxıb gedirlər. Problem varsa, bunu birdəfəlik həll etməklazımdır. Yoxsa hər gün yolu qazmaq olar?”

Amma görünən odur ki, əhalinin Sumqayıt Sukanal İdarəsindən şikayətləri hələ çox olacaq.

Yeri gəlmişkən, bu yaxınlarda idarənin rəisi də dəyişdirildi. Həmdulla Əliyev vəzifəsindən uzaqlaşdırıldı, yerinə isə Darvin Hüseynov təyin olundu.

Görünən odur ki, kadr islahatları aparılsa da hələ də bir sıra problemlər öz həllini gözləyir.

Xeberle.com