Müğənni Damla repertuarına həyatını avtomobil qəzasında itirən Şəfanın repertuarından "Sevgi qatarı"nı daxil edib. 
Uzun illər sevilən və dinlənilən mahnıya Damla yeni nəfəs verib. Söz və musiqisi Şəfa Hüseynova, aranjmanı İlkin Həsəniyə məxsus mahnı ötən gün yükləmə rekordu vurub. 
"Şəfa sağlığında "Sevgi qatarı"nı həyat yoldaşına ithaf etmişdi. Onu dəlicəsinə sevirdi. Sevgidən və ona edilən xəyanətdən yaranan bir mahnıdır. Şəfa həyatdan nakam getdi. Onunla məni oxşar məqamlar birləşdirir. O da Qərbi azərbaycanlıdır, mən də. Hər ikimiz Sumqayıt şəhərinin sakini olmuşuq. Onun "Sevgi qatar"ı zamanında çox sevilib, mahnının unudulmasını istəmədiyim üçün onu lentə yazdırdım. Eyni zamanda bu mahnını minlərlə insan məndən oxumağımı istəyib" - deyə Damla bildirib.(gecce.az)