Sumqayıt Şəhər İcra Hakimiyyəti və Dini Qurumlarla İş üzrə Dövlət Komitəsinin Sumqayıt bölgəsi üzrə şöbəsinin birgə təşkilatçılığı ilə Sumqayıt şəhəri Nəriman Nərimanov adına Mədəniyyət evində DQİDK-nın sifarişi əsasında hazırlanmış "Fitnə” bədii sənədli filminin nümayişi olub.
Tədbirdə Sumqayıt Şəhər İcra Hakimiyyəti başçısının müavini Teymur Səmədov, Şəhər İcra Hakimiyyəti Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Fərman Kazımov,DQİDK-nın Sumqayıt bölgəsi üzrə şöbəsinin müdiri Şirin Cəfərov, müəllimlər, din xadimləri və gənclər iştirak ediblər.
Tədbirdə Sumqayıt Şəhər İcra Hakimiyyəti başçının müavini Teymur Səmədov çıxış edərək bildirib ki, maarifləndirici xarakter daşıyan filmdə radikalizmlə mübarizənin dini, psixoloji, hüquqi, siyasi və mənəvi tərəflərindən bəhs edilir. Natiq bildirib ki, bir çox müsəlman ölkələrində dini radikalizm zəminində baş verən müharibələr narahatlıq doğurur. Ona görə də "Fitnə” filmi olduqca təqdirəlayiqdir. Digər çıxışçılar da filmin əhəmiyyətindən danışıblar.
Daha sonra filmə baxış keçirilib və film ətrafında müzakirələr aparılıb.
Xəbərdən istifadə edərkən istinad etmək vacibdir.
