"Bildiyiniz kimi bir neçə gün öncə Respublikamızın paytaxtı Bakıda möhtəşəm Gənclər Festivalı keçirildi. Festivalın bir iştirakçısı kimi oradan xoş təəssüratlarla ayrıldım.”
Bu sözləri Xeberle.com-a YAP Sumqayıt şəhər təşkilatının Gənclər Birliyinin sədri Elvin Məmmədzadə deyib. E. Məmmədzadə belə bir festivalın Sumqayıt şəhərində də keçirilməsini təklif edib:
"Düşünürəm ki, belə möhtəşəm bir festival doğma şəhərimiz olan Sumqayıtda da keçirilsə çox gözəl olar, minlərlə gəncimiz bir araya toplaşar və xoş anlarını bir-biriləri ilə bölüşərlər. Təklif edirəm ki, Sumqayıtda "Sumqayıt Gənclərinin Festivalı" keçirilsin.”
Xatırladaq ki, bir müddət əvvəl E.Məmmədzadə Azərbaycanın Milli Qəhrəmanı Mübariz İbrahimovun doğum günündə onun xatirəsinin əbədiləşdirilməsi ilə bağlı küçələrdən birinə qəhrəmanın adının verilməsini təklif etmişdi. Şəhər rəhbərliyi tərəfindən təklif dəyərləndirilərək küçələrdən birinə Mübariz İbrahimovun adı verilmişdir.
Xeberle.com
Xəbərdən istifadə edərkən istinad etmək vacibdir.
