Gecə saat 03:00. Sumqayıt şəhəri Nəsimi adına Mədəniyyət və İstirahət parkı. Yaxınlıqda Sovet dövründə tikilmiş  "Sumqayıt" mehmanxanası. Bu mehmanxananın yalnız  adı var. Çünki 1993-cü ildən bu mehmanxanada məcburi köçkünlər məskunlaşıb. Gecənin bu saatlarında mehmanxanada məskunlaşan məcburi köçkünlərin və aztəminatlı ailələrin uşaqları  parka gələrək atraksionu pulsuz istifadə etməyə cəhd edirlər. Onlar bu istəklərinə nail olurlar. Bu qatar atraksionunu növbəli şəkildə bir qrupu itələyir, digəri isə qatarın hərəkətə gəlməsinə sevinir.