Bu gün bir qrup jurnalistin Sumqayıtda fəaliyyət göstərən "Unikal” klinikasında pulsuz müayinəsi təşkil olunub. Tədbir Milli Mətbuatın yaranmasının 141 illiyi münasibətilə "Unikal” klinikasının təşəbbüsü ilə gerçəkləşib. Media nümayəndələri ilə görüşən klinikanın baş həkimi Natəvan Abbasova bildirib ki, digər peşələrlə müqayisədə daha gərgin iş rejimində çalışan jurnalistlərin mütəmadi olaraq həkim müayinəsindən keçməsi vacib şərtdir. Jurnalistlərin pulsuz müayinəsini təşkil etməkdən məmnun olduğunu deyən N.Abbasova Milli Mətbuat günü münasibətilə onları təbrik edib.

Sonra jurnalistlər bütün qarın boşluğunun USM-i, EKQ, terapevt müayinəsi, qanın ümumi analizi prosedurlarından keçiblər.

Aksiyadan yararlanan jurnalistlər tədbirin sonunda bu nəcib təşəbbüsə görə "Unikal” klinikasının rəhbərliyinə minnətdarlıqlarını bildiriblər.