Xeberle.com olaraq həmin vaxt həyəcan təbili çaldıq. Bizim bu çağırışımıza şəhərin ziyalıları qoşuldu və məsələ ictimailəşdi. Ovaxtkı şəhər rəhbərliyi 10 gün ərzində bu problemi aradan qaldırdı. SOCAR Azərkimya İB-yə kömək üçün edilən müraciətdən sonra həmin şirkət öz ərazisindən 6000 maşın torpaq ayıraraq basdırılma işləri aparıldı və problemə son qoyuldu. Bir ildən artıq müddətdə Sumqayıt sakinləri təmiz hava ala bildilər. Amma son bir ayda bu problem yenidən şəhər sakinlərini ciddi narahat etməyə başlayıb.

Məhz dünən axşam saatlarında Ekolgiya və Təbii Sərvətlər Nazirliyinə edilən müraciətlər cavabsız qalıb. "168 qaynar xətt”inə edilən müraciətlər elə qeydə alınmaqla da bitir. Bu məsələnin ciddiliyini nəzərə alaraq yenidən problemin qabardılması və həll olunması üçün şəhər ziyalıları münasibət bildirməli, şəhər əhalisinin sağlamlığına ciddi zərbə vuran bu ciddi ekoloji hadisəyə biganə qalmamalıdırlar. Təbii biz analyırıq ki, həmin ərazidə problemin kökündən həll olunması üçün Balaxanıda fəaliyyət göstərən Bərk Məişət Tullantılarının Çeşidlənməsi Zavodunun eynisinin Sumqayıtda tikilməlidir.

Onu da çox gözəl bilirik ki, bu tip zavodun tikilməsi üçün milyonlarla vəsait lazımdır. Şəhər İcra Hakimiyyətinin bu zavodu tikməsi bu baxımdan qeyri mümkündür. Bəs çıxış yolu nədir? Bu problemi necə həll etmək olar və etməliyik? Hər halda bu tüstü və qoxu ilə nəfəs almalı və yaşamalı məcburiyyətdə deyilik ki?! Xatırlayırsınızsa, 2009-cu ilədək illərlə Balaxanı Poliqonunda toplanan tullantılar çürüyərək alışır, əmələ gələn ziyanlı maddələr ətrafa yayılır, tüstü isə bütün şəhəri bürüyürdü. Ərazidəki tullantıların üfunəti, burada yandırılan tullantıların tüstüsü ciddi ekoloji problem yaratmışdı.

Həmin vaxt Azərbaycan Respublikasının Prezidenti cənab İlham Əliyevin 12 mart 2009-cu il tarixli sərəncamı ilə təsis edilmiş "Təmiz Şəhər” Açıq Səhmdar Cəmiyyətinin (ASC) yaranması ilə bu problem tam olaraq həll olundu. Fikrimcə, bu məsələyə ilk olaraq ekoloqlar rəy verməli, həmin rəyin əsasında ölkə rəhbərliyinə şəhər ziyalıları, jurnalistləri adından müraciət olunmalıdır.

İnanırıq ki, bu ərazidə yaşayan yüz minlərlə əhalinin üzləşdiyi bu ciddi problemlə ölkə rəhbərliyi təxirəsalınmaz tədbirlər görəcək.