Sumqayıt şəhər İcra Hakimiyyəti tərəfindən zibil qutularının satışa çıxarılması xəbəri həqiqəti əks etdirmir.

Bu barədə Xeberle.com-a qurumun ictimaiyyətlə əlaqələr bölməsindən məlumat verilib. Məlumatda bildirilir ki, hazırda Sumqayıtda geniş miqyaslı tikinti-quruculuq işləri aparılır, park və xiyabanlar abadlaşdırılır, binaların fasadları və dam örtüyü yenilənir. Şəhərdə 4,2 km uzunluqda dənizkənarı bulvar salınır. Bununla bağlı sözügedən işləri görən podratçı şirkətlər tikinti işlərində tələb olunan müxtəlif materiallar təklif edirlər. Həmin zibil qutuları da o şirkətlər tərəfindən şəhər rəhbərliyinə seçim üçün təklif olunmuşdu.

Xatırladaq ki, blogger Mehman Hüseynov Sumqayıt icra Hakimiyyətinin şəhərin abadlaşdırılması məqsədilə alınan zibil qutularını satışa çıxarması barədə məlumat yaymışdı.