Ötən gün yağan yağış Sumqayıt şəhərində bir çox fəsadlar yaradıb, sakinlər üçün problemlərə yol açıb. Şəhərdə ən çox bəxti gətirməyənlər – əziyyət çəkənlər isə 45-ci- məhəllə 10/13saylı binanın sakinləri olub. Belə ki, binanın sakinləri "damsız” qaldıqlarından əlacsız vəziyyətə düşüblər. Yağan yağış sakinlərin mənzillərinə ciddi ziyan vurub. 5-ci mərtəbədə yaşayan sakinlər əllərinə keçən qazan və ləyəni otaqlara, mətbəxə düzüblər ki, maksimum dərəcədə subasmanın qarşısını alsınlar. Mənzil 39-un sahibi Elxan Səfərov deyir ki, iyul ayından dam örtüyünün taxta hissəsi vurulsa da iş başa çatdırılmayıb. Binanın damı açıq qalıb: "Mənzilimiz yeni təmir olunub. Yağan yağış çəkilən əziyyətimiz hədər etdi. Otaqlara, mətbəxə su damır.”

E. Səfərov ümid edir ki, yaxınlarda aidiyyatı qurumlar bununla bağlı müvafiq addımlar atacaqlar.