Sumqayıtdakı 71 saylı "Heyran" körpələr evi-uşaq bağçasının kollektivi və valideynləri Sumqayit şəhər İcra Hakimiyyətinin başçısı Zakir Fərəcova müraciət ediblər. Həmin müraciəti təqdim edirik: 

"Hörmətli Zakir müəllim, cənab Prezidentin sizi şəhərimizə İcra Hakimiyyətinin başçısı təyin etməsindən bir ildən bir az artıq vaxt keçib. Bu az vaxt kəsiyində sizin Sumqayıtda gördüyünüz işlərin miqyası çox böyükdür. Sözün həqiqi mənasında, siz Sumqayıtı bu qısa vaxt ərzində təzədən tikdiniz. Bir vətəndaş kimi şəhərimizdə aparılan abadlıq, tikinti-quruculuq işləri hər birimizin ürəyincədir və təbii olaraq bizdə qürur hissi yaradır. Siz şəhərimizə rəhbər təyin olunandan sonra ilk gördüyünüz işlərdən biri, məhz uşaq bağçalarının damlarının təzələnməsi oldu ki, bu sırada bizim 71 saylı "Heyran" körpələr evi-uşaq bağçası da vardı. 

Hörmətli Zakir müəllim, bizi-bağçanın kollektivini və valideynləri bir başa sizə müraciət etməyə bağçanın binasının qəzalı durumu və bu halın çox ciddi vəziyyətə düşməsidir. Qeyd edək ki, bağçanın hər an uçmaq qorxusu var, körpələrin və kollektivin həyatı təhlükədədir. 

Biz-bağçanın kollektivi uçmaq təhlükəsində olan obyektdə körpələri qəbul etməyin nə qədər məsuliyyətli olmasını anlayır və bunu diqqətinizə çatdırırıq.
Biz-valideynlər isə artıq yaranan təlükəli vəziyyəti nəzərə alıb, körpələrimizi bağçaya getməyə qoymamaq məcburiyyətindəyik. 

Hörmətli Zakir müəllim, inanırıq ki, bizim çağırışımıza biganə qalmayacaq, bu istiqamətdə tezliklə tədbir görülməsi üçün müvafiq tapşırıqlar verəcəksiniz.


Hörmətlə, bağçanın killektivi və valideyinlər."

VALİDEYNLƏR:

Abdullayeva L. 

Mehdili N.

Vəlizadə S.

Xudiyeva S.

Məmmədova N.

Babayeva M.

Orucova V.

Məhərrəmova G.

Pənahlı H.

Məmmədli G.

Səfərova S.

Məmmədova S.

Quliyeva P.

Xəbərdən istifadə edərkən istinad etmək vacibdir.