Aramsız yağan yağışlar Azərbaycanın əksər şəhər və rayonlarında bir sıra problemlər yaradıb. Sumqayıt şəhəri də bu problemlərdən kənarda qalmayıb. Belə ki, şəhərin bəzi küçə və avtomobil yollarında yağış suyunun səviyyəsi normadan xeyli artıq olub. Bu da nəqliyyatın və və piyadaların hərəkətində xeyli çətinliklər yaradıb. Xüsusən 17-ci mikrorayonla 21-ci mikrorayonu ayıran küçədə, şəhərin Avtovağzal və ASAN xidmət tərəflərində kanalizasiya və drenaj sistemlərinin normal çalışmamasına görə yollar keçilməz olub.

Amma insafən qeyd edək ki, paytaxt Bakıya baxmış, Sumqayıtda vəziyyətin elə də acınacaqlı olmadığının şahidi olarıq. Yəqin dünəndən bu yana sosial şəbəkələrdə paylaşılan bir çox videgörüntülərin şahidi olmusunuz. Bakıda bəzi küçə və yollarda yağış suyunun səviyyəsi hətta avtomobillərin yarısına qədər qalxıb, bir neçə nəqliyyat vasitəsi suyun altında qalaraq xarab olub. Paytaxtın bəzi yerlərdinə əhali evakuasiya olunub.

Xeberle.com-un fotoreportyorunun həmin ərazilərdən çəkdiyi görüntüləri təqdim edirik.