Rabitə və yüksək texnologiyalar naziri Ramin Quluzadə yanvarın 27-də saat 12.00-da Sumqayıt şəhərində Abşeron, Qubadlı, Şuşa, Zəngilan rayonları və Sumqayıt şəhərinin sakinlərinə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.
Vətəndaşlar "
[email protected]” elektron poçt ünvanı, 1655 "Çağrı Mərkəzi”, (012) 598 38 18 nömrəli telefon vasitəsilə (regionlardan edilən zənglər pulsuzdur) əlaqə saxlayıb qəbula yazıla bilərlər.
Eyni zamanda, qəbula gəlmək istəyən vətəndaşlar, zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar. Bunun üçün Sumqayıt şəhərində (018) 6554599, Abşeron rayonunda (012) 3410499, Qubadlı rayonu üzrə (018) 6483392, Şuşa rayonu üzrə (012) 4584688 və Zəngilan rayonu üzrə (012) 4326166 nömrəli telefonlara zəng edə bilərlər.
AZƏRTAC
Xəbərdən istifadə edərkən istinad etmək vacibdir.
