Xüsusən də gənclər arasında belə ad qazanan körpü "Nəsimi" adına Mədəniyyət və İstirahət Parkının ərazisində yerləşir. Körpü sakinlərin ən çox şəkil çəkdirdiyi yerlərdən biridir. Bura həm də cütlüklərin görüş yeridir. Sevənlər körpünün dəmir konstruksiyalarında adlarını yazaraq bir-birlərinə qarşı olan məhəbbətlərini ifadə ediblər. Burada ürək şəklində maraqlı metal konstruksiya da quraşdırılıb. Onun aşağı hissəsində isə bir sandıq var. Sevgililər qıfıllarını həmin ürəyə bağladıqdan sonra açarı dəmir sandığa atırlar. Həmin sandığın açarının isə kimdə olduğu bilinmir. Bura artıq 100-ə yaxın qıfıl vurulub. Elə qəhrəmanımız Eminovlar ailəsi də bura qıfıl vuranlardandır. Cütlüklərin tanışlıq məkanı da elə bura olub. Bu məkanda təkcə gənclərin deyil, yaşlı nəslin də xatirələri olub. Hələ keçmiş SSRİ dövründən bu körpüdə insanlar xoş günlərini qeyd ediblər. Belə bir ənənə sevginin əbədiliyini simvolizə edir. Açarı itən qıfılı heç kimin aça bilmədiyi kimi, bu sevgililəri də heç kimin ayıra bilməyəcəyinə inanırsan. Bütün sevənlərə xoşbəxtlik arzu edirik!