Yeni Azərbaycan Partiyasının Sumqayıt şəhər təşkilatının VIII konfransına hazırlıq məqsədi ilə partiyanın ərazi ilk partiya təşkilatlarında hesabat-seçki yığıncaqları keçirilir.
Ötən gün Sumqayıt Bələdiyyəsi ərazi ilk partiya təşkilatının da hesabat seçki yığıncağı keçirilib.
Ərazi ilk partiya təşkilatının sədri Eldar Məmmədov hesabat məruzəsi ilə çıxış edib, son 6 il ərzində görülən işlər barədə məlumat verib.
Daha sonra məruzə ətrafında çıxışlar olub və ərazi ilk partiya təşkilatının hesabat dövründəki fəaliyəti qənaətbəxş qiymətləndirilib.
Sumqayıt Bələdiyəsinin sədri Sultan Əsədov YAP-ın ölkəmizin inkişafı yolundakı müstəsna xidmətlərindən bəhs edib. Sədr qeyd edib ki, Ümummilli Lider Heydər Əliyevin rəhbərliyi ilə yaradılmış partiya qısa zamanda xalqın inam yerinə çevrilmiş, sabitliyin və tərəqqinin təminatçısı rolunda çıxış etmişdir.
Qeyd edilib ki, ulu öndərin müəyyən etdiyi siyasi strategiyanın prezident İlham Əliyev tərəfindən uğurla davam etdirilməsi və şaxələndirilməsi nəticəsində ölkəmiz sürətli sosial-iqtisadi inkişafa nail olub.
Sumqayıtın bugünkü sosial-iqtisadi inkişafı, şəhərdə həyata keçirilən infrastruktur layihələri barədə danışan S.Əsədov əlavə edib ki, şəhər icra hakimiyyətinin başçısı Zakir Fərəcovun təşəbbüsü ilə YAP-ın şəhər təşkilatı üçün yeni inzibati binanın tikintisi nəzərdə tutulur.
Sumqayıt Bələdiyyəsinin sədr müavini Musa Həsənov və partiyanın Sumqayıt şəhər təşkilatının Gənclər Birliyinin sədri Elvin Məmmədzadə də çıxış edərək partiyanın keçdiyi tarixi yola nəzər salıb, Azərbaycanın bir dövlət kimi möhkəmlənməsi və beynəlxalq nüfuzunu yüksəlməsində YAP-ın rolunu qeyd ediblər.
Daha sonra Sumqayıt Bələdiyyəsi ərazi ilk partiya təşkilatına seçkilər keçirilib. Mütləq səs çoxluğu ilə Şıxəli Abbasov ərazi ilk partiya təşkilatının sədri seçilib.
Yığıncaqda YAP Sumqayıt şəhər təşkilatının VIII konfransına nümayəndələrin seçilməsi məsələsinə də baxılıb, Sultan Əsədov, Musa Həsənov və Şıxəli Abbasovun namizədlikləri dəstəklənib.
Xəbərdən istifadə edərkən istinad etmək vacibdir.
