Sumqayıt şəhər Gənclər və İdman Baş İdarəsi, Sumqayıt Regional Mədəniyyət və Turizm İdarəsi və Təhsil Şöbəsi birlikdə Heydər Əliyev Mərkəzində Novruz bayramına həsr edilmiş "Gənclərin Bahar Bayramı” adlı bədii-əyləncəli bayram tədbiri təşkil ediblər.
Xeberle.com xəbər verir ki, müxtəlif sahələri təmsil edən ictimai-fəal gənclərin, gənclər təşkilatlarının nümayəndələrinin iştirak etdiyi bayram tədbirində çıxış edən şəhər Təhsil Şöbəsinin müdiri Nizami Namazov, Sumqayıt Regional Mədəniyyət və Turizm İdarəsinin rəisi Mehman Şükürov, Gənclər və İdman Baş İdarəsinin rəis əvəzi Mübariz Bəşirov ümummilli lider Heydər Əliyevin ölkəmizdə milli-mənəvi dəyərlərin, adət-ənənələrin qorunub saxlanılmasında və daha da inkişaf etdirilməsində rolundan danışıb, bu siyasətin Prezident İlham Əliyev tərəfindən uğurla davam etdirildiyini bildiriblər.
Tədbir Novruz adət-ənənələrini özündə əks etdirən maraqlı oyunlarla, viktorinalarla, müxtəlif musiqi nömrələri ilə davam edib.

 

 

 

 

 

 

Xəbərdən istifadə edərkən istinad etmək vacibdir.