Sumqayıt Regional Mədəniyyət və Turzm idarəsinin tabe müəssisələrində Novruz bayramı münasibətilə silsilə tədbirlər davam edir. "28 May” və Corat Mədəniyyət evlərində bayram münasibəti ilə tədbir keçirilib. Tədbirlərdə bildirilib ki, xalqımızın mədəni irsini, milli-mənəvi dəyərlərini zəngin folklorunu, adət-ənənələrini özündə yaşadan Novruz bayramı hər il yüksək səviyyədə qeyd olunur. Azərbaycan xalqının min illərdir qoruyub yaşatdığı, mütərəqqi adət və ənənələri özündə ehtiva edən Novruz bayramı hər yanda olduğu kimi Sumqayıtın bütün guşəsində yüksək ruhla qeyd olunur. Bayram tədbiri mədəniyyət və incəsənət nümayəndələrinin təqdim etdikləri geniş konsert proqramı ilə davam etdirilib. Zəngilan rayon uşaq musiqi məktəbində keçirilən tədbirdə məktəbin xor kollektvinin ifasında xalq mahnılari, şagirdlər Orxan Həsənovun ifasında saz havası, Aslan Məmmədov və Loqman Həsənovun ifasında Novruz bayramına həsr olunan mahnılar dinlənilib. Milli geyimli aparıcıların ifasında Novruz folklorunun nümunələri maraqla qarşılanıb. Sumqayıt Regional Mədəniyyət və Turzm idarəsi silsilə tədbirləri davam etdirir Qubadlı rayon Ə.Mehdiyev adına Uşaq musiqi məktəbində də bayram şənliyi keçirilib. Tədbirdə məktəbin şagirdlərinin ifasında Azərbaycan xalq və bəstəkar mahnıları, o cümlədən, Novruz bayramına həsr olunmuş mahnılar ifa edilib. Şəhər Mədəniyyət Evinin özfəaliyyət kollektivinin "N” saylı hərbi hissədə təşkil etdiyi konsertdə "Xəyal” instrumental ansamblının ifasında musiqi nömrələri, mədəniyyət evinin "Buta” ritm qrupunun çıxışı, solistlər Allahverdi Xəyal, Elşən Quliyev, Aqil Heydərlinin ifasında bəstəkar və xalq mahnıları, Sveta Aslanovanın ifasında hind mahnıları, o cümlədən, meyxanaçı Ədalət Dağlının ifası əsgər və zabit heyəti tərəfindən maraqla qarşılanıb. Sumqayıt Regional Mədəniyyət və Turzm idarəsi silsilə tədbirləri davam etdirir Qeyd edək ki, Sumqayıtın mədəniyyət müəssisələrinin kollektivlərinin hərbi hissə və hospitallarda konsert proqramı, eləcə də şəhərin müəyyən olunmuş müxtəlif ərazilərində konsert proqramı davam edir.