Sumqayıtda bina evlərinin qiymətində kəskin enmə müşahidə olunur.
Mənzillərin alqı -satqısı ilə məşğul olanlar bildirir ki, müştəri qıtlığına görə evlər ucuzlaşıb.
Xeberle.com xezerxeber.az-a istinadən bildirir ki, şəhər ərazisində mənzillərlə bağlı elanlar olsa da, alıcı tapılmır. Əvvəl 50 min manata təklif edilən mənzili indi 35 minə də tapmaq olar.
Çoxotaqlı mənzillərin də qiyməti düşüb. Səbəb torpaq alıb həyət evi tikmək istəyənlərin çoxalmasıdır.
Ən çox satılan 2 otaqlı evlərin qiymətində də 10 min manata qədər azalma var.
Hazırda Sumqayıt şəhərində 1 otaqlı mənzil 35-40, iki otaqlı 40-50, üç və ya dörd otaqlı mənzillər isə 50-65 min arasında müştərilərə təklif olunur.

Xəbərdən istifadə edərkən istinad etmək vacibdir.