Potensial Sumqayıt Mütəxəssislər Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi "Sumqayıt şəhərinin orta ümumtəhsil məktəblərində ekoloji təhsil və maarifləndirmə tədbirlərin təşkili” layihəsi çərçivəsində ekoloji təhsil və maarifləndirmə ilə bağlı ilk "açıq dərs” təşkil olunmuşdur. Qeyd edək ki, bu layihənin əsas məqsədi Sumqayıt şəhərində fəaliyyət göstərən orta ümümtəhsil məktəblərinin yuxarı sinif şagirdlərinin ekoloji biliyinin artırılması, ekoloji problemlərin həllinə və ətraf mühitin qorunub saxlanmasında şagirdlərdə ekoloji ruhun inkişaf etdirməsinə, ətraf mühitə qarşı onlarda həssas, müsbət münasibətin formalaşmasına, ətraf mühitin mühafizəsi ücün yüksək ekoloji mədəniyyətin öyrədilməsinə xidmət edən maarifləndirmə tədbirlərin təşkilidir. Layihə çərçivəsində ilk ekoloji maarifləndirməi ilə bağlı "Açıq dərs” may ayının 12-də Sumqayıt şəhər 21 saylı orta məktəbində təşkil edildi. "Acıq dərsi” Birliyin təlimçisi Rauf Əliyev aparırdı. Məktəbin yuxarı sinif şagirdlərindən 25 nəfər təlimdə iştirak edirdi. Aparılan "Açıq dərs”də ətraf mühit haqqında bilik və bacarıqların artırılması, gənc nəsildə ekoloji düşüncənin və ekoloji mədəniyyətin formalaşması, ətraf mühitin öyrənilməsi və mühafizəsi, ətraf mühitin sağlamlıqda rolu, gənclərin ətraf mühitin mənfi təsirlərindən qorunmaq hüququ, ekoloji məlumat almaq hüququ, ictimayi nəzarət hüququ və s kimi məsələlər müzakirə olunmuşdur. Ekoloji təhsil və maarifləndirmə ilə bağlı keçirilən açıq dərs iştirakçıların böyük marağına səbəb oldu. İnteraktiv metodla keçiririlən "Açıq dərs”də hər bir iştirakçı müzakirələrdə fəal iştirak edərək ekoloji biliyini, düşüncələrini və rəylərini sərbəst ifadə edirdilər. Hər bir iştirakçını maraqlandıran suallara dolğun cavab verilirdi. "Açıq dərs”in sonunda iştirakçılara mövzu ilə bağlı sənədlər toplusu təqdim edildi.