Sumqayıt şəhər İcra Hakimiyyətinin təşəbbüsü, Gənclər və İdman Baş İdarəsi, İnzibati-İqtisad Məhkəməsi və Sumqayıt Dövlət Texniki Kollecin birgə təşkilatçılığı ilə 31 may 2017-cı il tarixində Kollecin akt zalında müəllim-tələbə heyyətinin iştirakı ilə 18 – İyun "Azərbaycanda Milli İnsan Hüquqları” gününə həsr edilmiş görüş keçirilmişdir.
Görüşdə ilk olaraq iştirakçılara insan hüquq və azadlıqları haqqında videoçarx nümayiş olunub.
Tədbiri giriş sözü ilə açan Baş İdarənin Gənclərlə iş sektorunun müdiri Ceyhun Hüseynov iştirakçıları salamlayaraq, 18 may – 18 iyun "İnsan Hüquqları Aylığı” çərçivəsində şəhərin ayrı-ayrı idarə, müəssisə və təşkilatlarında, ali və orta – ixtissas təhsil müəassisələrində, keçirilən maarifləndirici xarakterli görüşlərin məqsədindən, 18 – İyun "Azərbaycanda Milli İnsan Hüquqları” gününün əhəmiyyətindən danışmış, Ulu Öndər Heydər Əliyev tərəfindən 1998-ci il iyunun 18-də "İnsan hüquqlarının müdafiəsinə dair Dövlət Proqramı”nın təsdiq olunması və məhz bu tarixin Azərbaycan Respublikasının Prezidenti cənab İlham Əliyevin 17 iyun 2007-ci il tarixli sərəncamı ilə Azərbaycanda "Milli İnsan Hüquqları günü” elan olunduğunu bildirmişdir.
Sumqayıt İnzibati-İqtisad Məhkəməsinin hakimi Zaur Məmmədov çıxış edərək «Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı»nın icrasının uğurla təmin edilməsindən, beynəlxalq hüquq normalarından, Respublikada həyata keçirilən hüquqi dövlət quruculuğu siyasətindən, mülkiyyət hüququndan, insan hüquq və azadlıqlarının qorunması istiqamətində görülmüş işlər haqqında ətraflı məlumat vermişdir.
Sonda iştirakçılara Baş İdarə tərəfindən hazırlanmış insan hüquq və azadlıqları haqqında ilkin məlumatları özündə əks etdirən bukletlər paylanılmışdır.

Xəbərdən istifadə edərkən istinad etmək vacibdir.