Yay
mövsümünün gəlişi ilə əlaqədar bir çox tanınmış şəxslər,
idarə rəhbərləri, iş adamları istirahətə yollanırlar. Bəs görəsən Sumqayıtın
tanınmışları bu yay harada və necə istirahət edəcəklər? Xeberle.com olaraq
mövzu ilə bağlı ilə apardığımız kiçik sorğunu sizə təqdim edirik:
Millət vəkili, «Azərikimya» İstehsalat Birliyi müşahidə şurasının sədri Muxtar Babayev: Bu yay mövsümündə istirahət etməyəcəm, işdə olacam.
Sumqayıt şəhər Mədəniyyət və Turizm Regional İdarəsinin rəisi Mehman Şükürov: İstirahətimi bizim bu gözəl Bulvarda keçirəcəm. Düzünü desəm hələ tam qərar verə bilməmişəm, amma hələlik dincəlmək üçün fikrimdə tutduğum yer Sumqayıt şəhəridir.
Sumqayıt şəhər Təhsil Şöbəsinin müdiri Nizami Namazov:Mənim şəhərimin bu cür gözəl Bulvarı, parkı varsa mən niyə başqa bir yer axtarmalıyam. Əgər istirahətə gedəsi olsam Azərbaycanımızın dilbər guşələrindən birinə səfər edərəm, o da ki, yalnız həftəsonları alınar. Çünki hazırda şəhərimizin bir çox məktəblərində təmir işləri gedir və bununla əlaqədar inanmıram ki, istirahət etməyə vaxtım olsun.
Kino və teatr rejissoru Rövşən Almuradlı: İstirahətimi evdə, ailəmlə birlikdə keçirməyi planlaşdırıram.
Şair, jurnalist
Əli Nəcəfxanlı: Bu yay Azərbaycanın cənub bölgəsində
və Gürcüstanda dörd-beş günlük ailəvi şəkildə dincəlmək fikrim var.
Azərbaycan Jurnalistlər
Birliyi Sumqayıt şəhər təşkilatının sədri, «Azərikimya» İstehsalat Birliyinin mətbuat
xidmətinin rəhbəri, şair, publisist Rafiq Oday: 3-4
günlük Qubada, 5 günlük Nabranda (şirkət yollayışı ilə), bir o qədərdə Masallıda
istirahət edəcəm, qismət olsa hələlik bunlardır. Qalan günlərdə də öz ofisimdə yığılıb
qalmış problemlərin həlli ilə məşğul olacam.
Sumqayıt şəhər Səhiyyə Şöbəsinin
əməkdaşı Xalidə Quliyeva: Bu il işlərimizin çoxluğu
ilə əlaqədar güman ki, heç bir yerdə istirahət edə bilməyəcəm.
Bax beləcə Sumqayıtın bəzi məmurlarının harada və necə istirahət edəcəyini sizə təqdim etdik. Xeberle.com adından siz oxucularımıza da xoş istirahətlər arzulayırıq.
Elnarə Salamova
Xeberle.com
Xəbərdən istifadə edərkən istinad etmək vacibdir.
