Xeberle.com xəbər verir ki, Sumqayıt şəhər İcra başçısının müavini, sosial-iqtisadi inkişafın təhlili və proqnozlaşdırılması şöbəsinin müdiri Lalə Hacıyevanın tutduğu vəzifədən azad olunması ilə bağlı xəbərlər yayılıb.
Yayılan məlumatı dəqiqləşdirmək üçün L.Hacıyevaya dəfələrlə zəng etsək də telefonumuza cavab verən olmadı.
Əvəzində isə Sumqayıt şəhər İcra Hakimiyyətinin sözçüsü Eyvaz Qocayev ilə əlaqə saxladıq.
E. Qocayev Xeberle.com-a bildirdi ki, yayılan məlumatlar həqiqəti əks etdirmir: "Lalə Hacıyeva işdən azad edilməyib, hazırda o, məzuniyyətdədir.”
Xatırladaq ki, Lalə Hacıyeva 2014-cü ilin fevral ayından bu vəzifədə çalışır. Əvvəllər məktəbəqədər təhsil müəssisələrinə nəzarət də Lalə Hacıevaya tapşırılsa da sonradan bu səlahiyyətlər ondan alınıb və həmin işin icrası üçün Məktəbəqədər Təhsil Müəssisələrinin Vahid Mühasibatlığı yaradılıb.
O, dövlət xadimi, mərhum Zülfü Hacıyevin qızıdır.
Elnarə Salamova
Xeberle.com
Xəbərdən istifadə edərkən istinad etmək vacibdir.
