Sumqayıtda Azərbaycan Respublikasının Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alveri ilə mübarizə sahəsində çalışacaq mütəxəssislərin hazırlanması” layihəsi çərçivəsində növbəti təlim keçiriləcək. Bu dəfəki təlim "İnsan alveri ilə mübarizə sahəsində media işçilərinin rolu" mövzusuna həsr olunacaq.

 

Təlimdə ekspert qismində Azərbaycan Respublikasının Əmək və Əhalinin Sosial Müdafiə Nazirliyinin İnsan Alveri qurbanlarına yardım mərkəzinin direktoru Nəzakət Balabəyova çıxış edəcək.

 

Qeyd edək ki, layihənin icrası Sumqayıt şəhərini və ona yaxın 12 şəhər və rayonu əhatə edir. Layihənin əsas məqsədi çərçivəsində keçirilmiş tədbirlər nəticəsində gender ayrı-seçkilyinin, zorakılığın qurbanı olmuş şəxslərin, onların yaxınlarının, insan alverinin qurbanı olmuş və ola biləcəyi riski ilə bağlı təşkilata müraciət etmiş bütün şəxslərə hüquqi,psixoloji,sosial,tibbi yardımlar göstərilir. Jurnalistlər dəvətlidir.