Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə "Qadın Təşəbbüsü və Sosial Problemlərin Həllinə Yardım” İB-nin icra etdiyi "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alverinin qurbanlarının sosail reablitasıyasına yardım göstərilməsi,insan alveri sahəsində çalışacaq mütəxəssislərin hazırlanması” layihəsi çərçivəsində 23.09.2017 tarixində təşkilatın Sumqayıt şəhərində yerləşən ofisində "Insan alveri ilə mübarizə sahəsində çalışacaq sosial işçilərin maarifləndirilməsi” mövzusunda təlim keçirilmişdir. 6 saat davam edən təlimdə Sosial işçilər, sosial iş fakultəsinin tələbələri, QHT nümayəndələri iştirak etmişlər.Təlimdə 25 nəfərdən yuxarı iştirakçı olmuşdur.
Təlimi giriş sözü ilə təşkilatın rəhbəri Zenfira Mustafayeva açaraq ilk növbədə layihənin məqsəd və məramı haqqında məlumat vermişdir.
Çıxışçı təlimin məqsədinin insan alveri qurbanlarına sosial reinteqrasiya və reabilitasiya xidmətlərinin göstərilməsi sahəsində sosial işçilərin bacarıqlarının artırılması olmasını qeyd etmişdir. Təlimdə ekspert Azərbaycan Respublikasının Əmək və Əhalinin Sosial Müdafiə Nazirliyinin İnsan Alveri qurbanlarına yardım mərkəzinin direktoru Nəzakət Balabəyova çıxış etmişdir. Ekspert iştirakçılara insan alverinin qurbanlarının reabilitasiya və onun xüsusiyyətlərinin nədən ibarət olduğunu, insan alverinin qurbanları ilə işləyən sosial işçinin funksiyası və vəzifələri haqqında iştirakçılara geniş məlumat vermişdir.
Təlim zamanı ekspert iştirakçılara qurbanlar ilə müsahibənin aparılması qaydaları, reabilitasiya və reinteqrasiya prossesində sosial işin təşkili qaydalarını izah etmişdir.
Nəzakət xanım həmçinin uşaqlara göstərilən yardım və dəstəyin xüsisiyyətlərini açıqlamışdır.İnsan alveri qurbanları ilə iş üzrə Azərbaycan modeli,insan alveri qurbanının istismardan azad olduqdan sonrakı ehtiyaclarının aydınlaşdırılması, sosial reinteqrasiya prosesində sosial müşayiət və monitorinqin aparılması barədə danışılmışdır.
Təlim zamanı mövzulara uyğun məşğələ və qrup oyunları keçirilmişdir.
Təlim interaktiv formatda keçirilmişdir, auditoriyanın qaldırğı məsələlər müzakirə edilmiş, verilən suallar geniş cavablandırılmışdır.
Təlim zamanı mövzuya aid qısametrajlı filmlər göstərilmiş və bu filmlər ətrafında müzakirələr aparılmışdır.
Hər bir iştirakçı təlim materialları və mövzuya aid təşkilatın braşur və bukletləri ilə təmin edilmişdir.
Təlimin sonunda təlimin qiymətləndirilməsi ilə əlaqədar sorğular keçirilmişdir.
Təlim iştirakçılarının əksəriyyəti təlimin mövzusunun aktual olduğunu və gələcəkdə yenidən bu cür təlimlərdə iştirak etmək istədiklərini qeyd etmişlər.
Xəbərdən istifadə edərkən istinad etmək vacibdir.