Sumqayıtda mənzil-istismar sahələri balansında və qeyri ərazilərdə mövcud olan sulu zirzəmilərin təmizlənməsi işlərinə başlanılıb.
Birliyin xidmət sahəsinə aid olan binaların zirzəmiləri təmizləndikdən sonra aiddiyyatı qurum tərəfindən dezinfeksiya işləri də aparılır.
Bu barədə Xeberle.com-a Mənzil Kommunal Təsərrüfatı İstehsalat Birliyinin rəis müavini Rzaqulu Cəfərov məlumat verib. Rəis müavini bildirib ki, Sumqayıtda 1365 yaşayış binası var ki, onlardan da 825-nin zirzəmisi var.
Bildirilib ki, hazırda şəhərin 4,6,10,12,13-cü mikrorayonlarında qurumun əməkdaşları tərəfindən müvafiq tədbirlər həyata keçirilir.
Qeyd edək ki, plana uyğun olaraq Sumqayıtda mövcud olan zirzəmilərə baxış keçirilərək problemli binalar müəyyən edilir.
Bu işlər son binanın zirzəmisi tullantılardan və çirkab sulardan təmizlənədək davam etdiriləcək.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
