Xəbər verdiyimiz kimi, bu gün Sumqayıtın şəhər statusu almasından 68 il ötür.
Şəhərin salınmasına əhali arasında "Ximstroy" kimi tanınan "Kimyaçılar" qəsəbəsindən başlanılıb. Bura sumqayıtlılar bəzən "Köhnə Sumqayıt" da deyirlər.
Bu ərazilərdə ilk tikinti işləri 1938-ci ildə başlanılıb. Lakin İkinci dünya müharibəsinin başlanması ilə əlaqədar olaraq tikinti işləri dayandırılıb və 1944-cü ildə yenidən bərpa olunub.
Elə Sumqayıt şəhərinin salınmasına da məhz İstilik Elektrik stansiyasından başlanılıb. Həmin ərazidə tikintidə çalışan fəhlələr üçün burada 2 mərtəbəli evlər tikilib və onlar burada məskunlaşıblar. Bir vaxtlar "Kimyaçılar" qəsəbəsi mərkəz olub, idarələr burada yerləşib. İstilik Elektrik Stansiyası yanında qəsəbə olaraq yaranan Sumqayıt qısa müddət ərzində böyük sənaye mərkəzinə çevrilib.
"Kimyaçılar" qəsəbəsində yerləşən bu binalar isə 1949-cu ildə tikilib.
Elnarə Salamova
Xeberle.com
Xəbərdən istifadə edərkən istinad etmək vacibdir.
